| 尋日，楠、cwing、盈、19、同寶汶黎左我屋企探bb。 佢地堅負起眾人所託，又張羅一番，叫埋人收埋$(呢個步驟一定好艱辛)，仲要一早去銅鑼灣買禮物俾bb，由呢5位代表送到黎沙田，山長水遠，真係有心，辛苦晒！ 有心人豈止呢5個，仲有相燁、兔仔、隆、盧駿彥(佢唔鐘意我叫佢個花名架)、mary、billy、ivy、高丸、葉超、真真，仲有出了雙份$$既阿sir， 幾份禮物相當合用，俾了$個d人知唔知佢地買左咩架？有一張可以用到4歲既搖搖椅(老公都話正)，仲有對好可愛既鹿鹿毛毛鞋同埋一條翠兒毛巾，很有心思，很合用。 要大家破費喇！好彩你地畢左業，咁貴重的禮物原本唔同以收，會俾icac捉架。始終都係有d不好意思，雖然唔駛落我到，大家對自己對朋友都唔會吝嗇，miss都知你地好有心。 看來大家都好鐘意bb，尋日你地抱住佢，真係有d要細唔要大既感覺，bb大得好快架，下次見面可能識行了。 bb係你地走左之後就痾臭臭喇，好彩冇失禮 都係個句多謝咁多位，記住要孝順父母 |
| |
| 各位5A寶寶︰ 你地個MISS生左喇！！！ 30/8 上星期四，中午1:47分，BB女已經出世lu。BB出世重6.2磅，平日最鐘意瞓覺，可以成日都唔食野，所以好愛纖體，不愛身體，體重一直下降...... 回家後，已有些改善，明天要再返醫院見醫生，希望有改善，如果唔係，唔知醫生會唔會鬧我？ 原諒我未能即時通知各人，但我知你地消息靈通，多謝你們的短訊和問候，現在坐月當中，需要休息，過多幾個星期，你地可以來探BB。 至於BB D相，我有條LINK，但唔想公開POST出黎，係MSN見到我會FORWARD俾MARY、楠或盈、寶汶等人，因為佢地成日會ONLINE。 快D睇下BB似唔似我？同埋諗下買咩俾我！哈哈！ |
| |
| 8月8日係5A感覺最失落的一日，會考終於放榜了，他們要面對現實...... 放榜前一晚，我也睡不著，每隔個幾鍾就起一次身，經常發夢，忐忑不安，雖然不是自己放榜，但總替你們擔心...... 8月8日早上，8:15分已收到你們的成績單，一看之下，心知不妙，心想你們收到之後一定很失望，我又何常不是呢？ 曾經幻想你們或許會有點幸運，但原來看的是實力，今天的成績大家認為如何？是不是意料中事？所種的是甚麼？收的也是甚麼？有沒有後悔這兩年的時間虛渡了 心中不憤的是你們不爭氣，有部份人得過且過，連放榜也會遲到，收到成績後毫無羞恥之心，根本一點也不值得同情...... 難過的是有些人滿有目標和理想，只差一丁點就可以過關，向理想邁進，但天意弄人，再要面對一個殘酷的結果，付出的似乎沒有回報.....我是否應負上一點責任？ 這幾天，我都有不斷的想︰是否我沒有盡力勸你們要努力？是否我沒有好好的教你們？如果你們肯早一點明白讀書要付出時間和精神，而沒有僥倖，或許結果會有點不同...... 經此一役，不知大家學懂了幾多？明白了幾多？5A長大了嗎？ 眼望的還有很遠很遠的將來，你們要加油AR |
| |
| 今日寶汶、盈同candy來找我，傾左幾句，個人好攰都冇乜心機應酬佢地，原來佢地今日返黎練oral同溫書，不過我就有d摸不著頭腦，6月先考oral乜咁早練啊？三位下次想約我食飯真真要早d啊！要不然我又會帶了飯！ 佢地仲話有好多人返左黎溫書，歷史上的5A真的很少見！放學後又見到功夫佬同高丸(他正在等某某人放學)...... 大家下星期就開始正式考試，頭一炮世界歷史，大家俾d心機 |
| |
| SORRY！盧駿彥同學漏左你 你個樣成日唔聲唔聲，好似黑社會大佬ar，唔好咁懶，俾心機讀書la |
| |
